Rreth një muaj më parë JOQ ALBANIA denoncoi publikisht një tender me karakter korruptiv përsa i përket ndërtimit të një vend-parkimi tek zona e Syrit të Kaltër të Sarandës nga Agjencia Kombëtare e Zonave të Mbrojtura nën varësinë e MTM.
Tenderi me objekt: Ndërtimin e hapësirave publike për akomodimin e automjeteve dhe aksesimin e tyre në zonën e mbrojtur “Syri i Kaltër” i është dhënë FUSHA shpk të Shkëlqim Fushës për 300 MLN Lekë.
Ironia qëndron që Ministria e Turizmit dhe Mjedisit do i vërë traun me pagesë Syrit të Kaltër për vizitorët të cilëve do u duhet të paguajnë për të parkuar makinat e tyre nëse duan të shkojnë atje. Në tender nuk përmendet rregullimi i rrugës së lënë rrugëve, por vjelja e turistëve.
Padyshim që qeveria ka menduar për të gjitha, dhe për këtë do duhej një tender tjetër që kap miliarda po prapë me paratë tona.
Ky tender i është dhënë oligarkut Shkëlqim Fusha pavarësisht se nuk ishte ofertuesi me vlerën ekonomike më të ulët të ofruar dhe të gjithë operatorët e tjerë janë skualifikuar nga gara. E thënë me pak fjalë thesari publik i Jugut të vendit do i jepet Shkëlqim Fushës në një formë koncesioni, i cili nuk do të lejojë qytetarët të hyjnë pa paguar një tarifë parkimi tek trau i vënë me lejen e Kumbaros.
